Tankestreken er lengre enn bindestreken og må ikkje blandast saman med den. Mellom tankestrek og tekst skal det som regel vere mellomrom.

– Tankestrek

-  Bindestrek 

På pc kan du du fram tankestreken ved å trykkje på Alt + 0150. På Mac lagar vi han ved å halde inne option og klikke bindestrek.

Direkte tale 

Tankestreken kan vi bruke for å markere direkte tale. Linjeskift og ny tankestrek (replikkstrek) varslar til vanleg at ny person har ordet.

Eksempel:

– Du må nok vaske opp etter middagen, sa far til Per.

– Eg lagar gjerne middag, sa Per, – men då får du rydde opp.

Innskott og tillegg 

Vi kan bruke tankestreken ved innskott og tillegg.

Eksempel:

• Hunden – som var ein smule nysgjerrig – ville helse på katten til naboen.

Ved ytterpunkt 

Tankestrek kan vise ytterpunkt i tid og rom, talområde og forhold mellom motpolar o.l. I slike tilfelle skal det ikkje vere mellomrom før og etter tankestreken.

Eksempel:

• strekninga Nes–Ålesund

• 12.4.–30.6.

• sidene 89–99

• onsdag–laurdag

• Kampen Rosenborg–Brann enda 1–1.

Ved kronebeløp 

Vi kan bruke tankestrek når vi skriv kronebeløp. Tankestreken erstattar då siffera 00 (0 øre)

Eksempel:

• Middagen kosta kr 199,–.

Ved avbrot eller pause 

Tankestrek kan markere eit avbrot eller ein pause. Han kan også vise at ein held det ein tenkjer, for seg sjølv.

Eksempel:

• – Pass deg, ellers –!

• – Han var ein irriterande –.

• – Og auren vog – 5,7 kg!

Øvingar

Øving 1	Øving 2