Kontrast

Substantivet kontrast betyr motsetning. I både enkle og samansette tekstar kan du lage kontrastar ved å setje motsetningar opp mot kvarandre.

Antonym

Antonym er ord som har motsett betydning. Slike ord kan du ha bruk for når du skal lage kontrastar. Lys og mørke er antonym.

Det gode og det vonde

Kampen mellom det gode og det vonde er vanleg i fleire sjangrar. I eventyr er personane for eksempel ofte snille eller slemme, kloke eller dumme, hjelpsomme eller late og vakre eller stygge. Det gode får si løn og det vonde straffa si.

Fargar

Fargar kan ha liten eller stor kontrast i forhold til kvarandre. Denne teksten er skriven med svart skrift på kvit bakgrunn. Det fungerer godt. I dette eksemplet er kontrasten mellom fargar så liten at teksten er vanskeleg å lese.

Lys og mørke

Kontrast mellom lys og mørke og mellom svart og kvitt kan vi utnytte til å skape motsetningar og spenning. Det er eit vanleg verkemiddel i for eksempel film og teikneseriar.

Teikneseriebilete som viser kontrast mellom svart og kvitt

Kontrast mellom tekstdelar

Nokre delar av ei forteljing kan stå i kontrast til andre. Mens enkelte parti er rolege og harmoniske, kan andre vere prega av spenning og oppjaga stemning.