Setningsledd er ledd vi treng for å byggje setningar. Når vi analyserer setningar, finn vi ut kva funksjon/oppgåve ord, frasar eller leddsetningar har i samanhengen. 

Eigenskapar

Ord, frasar, eller leddsetningar som er eit ledd i ei setning, har desse eigenskapane:

• Vi kan flytte ledda samla til ein annan plass i setninga utan at ho vert ugrammatisk.

• Vi kan byte ut ledd med erstatningsord.

Erstatningsord

Analyse

Å analysere kan bety å finne ut kva for setningsledd ei ytring eller ei setning er bygd opp av.

Eksempel på analyse av ei forteljande heilsetning:

Petter gav Janne ein ball.

• Først leiter vi etter det bøygde verbet i setninga. Her er det verbet gav.
  
  Verbalet er ordet gav.

• Deretter ser vi etter subjekt. Vi spør kven eller kva + verbalet. Altså: Kven eller kva gav?
  
  Subjektet her er ordet Petter.

• Vi undersøkjer om setninga har eit direkte objekt. Slik spør vi: Kven eller kva + verbal + subjekt? Altså: Kven eller kva gav Petter?
  
  Ein ball er direkte objekt.

• Denne setninga inneheld også eit indirekte objekt. Slik kan vi spørje for å finne det: Til kven + verbal + subjekt + direkte objekt. Altså: Til kven gav Petter ein ball?
  
  Janne er indirekte objekt.